審犯

有時好不明白究竟病人和其家人點解時常用審犯的口吻來與姑娘對話? (一)姑娘: 我地會找醫生，問下佢會唔會開返D藥或者打水。家人: 我都唔知你地班姑娘做緊咩??姑娘: ( 無言…….你知我地做緊咩就做左姑娘啦……..頂)(二)家人: 正話探熱38度，仲咩你地唔通知醫生?? 等到而家38.4 度，咁點呀?吓?點做野架?ME: (無言，因為有人無報告 ……無奈……硬食……. 望都無望個家人)         咁而家CALL 醫生啦! PS: 38度發燒係剛剛扎界，所以未必準，個時已經比左ICE PAD 而且有RECHECK，你想我點??? 一個姑娘唔係只有你個家人係病人，如果你真係好緊張你屋企人的話就唔會咩都唔做等姑娘嚟做，食藥唔幫手，連洗面都要找我地的，你就唔好用審犯的口吻來同我地講野，講得難聽D你而家係要我地幫你呀! 好憎呢D屋企人，只係不停要求呢樣個樣，等又等唔設，咩都要人做你個屋企人先，如果個個都係咁要求，真係要一對一先得啦!! 做我地呢行真係好無尊嚴，你做得好無人會讚永遠只見到你做得唔好的事，我受夠喇，好辛苦呀!!又有無人同情下我???????一萬個無言，有時工作使人有滿足感，而我好似好耐都無試過喇，好想去散心 本來都幾鐘意做姑娘架，不過呢排………有時諗諗下都會想CRY

Continue Reading Add comment | November 18th, 2008

專稱

在家中會叫布冧做老公，曾經問過他為什麼不以老婆來稱呼我?他總是支吾以對，還是算了吧!仍然堅持叫我"喂"，有點無奈不是很在意，不過總覺得這是我對他(或他對我)的專有稱呼，再沒有別的人可以這樣叫我，怎麼不珍惜一下呢? 好像我叫我的baba、mami、家姐、細佬一樣，只有我才能有的一個專稱，我可是很珍惜啊! 就算我可以稱呼細佬的名字，但我大多時間都叫他做細佬(雖然令人有些歪念) 但是仍然很享受對他們的稱呼!!

Continue Reading Add comment | November 16th, 2008

時下的年青人

今日搭車有兩個妙齡少女係度對話，主體語就無乜，助語詞就大把，內容都係粗口多 係輕鐵度已經多人，仲要係度食野，食完D垃圾就係開車門時嚟手調左係路軌度。唉! 呢D就係政府的免費教育產物?? 之後呢兩個死o靚妹係度講下溝仔D野，其中阿A問另一個阿B: 我係女童院個排你做D咩呀? 另一個阿B就答: 咪去左做洗頭囉! 阿A: 咁你而家又唔做? B: 返一日工 一百蚊都無，唔做 lu。( 我係背後偷笑，書又讀唔成，仲要話搵得錢少) 之後B問返A，你個粉盒好靚喎，係邊度買架? 阿A: 係朗豪坊買! B: 幾錢? A: 四百幾蚊。B: 嘩!好貴喎! (我又偷笑，死o靚妹你都係買唔到架喇!) 可能自己年紀開始老，愈看D年輕人愈唔順眼，成日係度嫌三嫌四，書讀唔成又唔肯去做野，做野就嫌辛苦，第二日就話唔做，講就天下無敵做就無能為力!! 烏呼哀哉!!

Continue Reading Add comment | November 13th, 2008

又一次人像攝影

又再一次試影人像，不過今次model是karen，而地點是屋企，試下影下都有ok的照片。

器材：Olympus E-520 + OLYMPUS ZUIKO ED 40-150mm F4.0-5.6 + Metz Flash 54MZ-3 + Metz Flash 44MZ-2
模特兒：Karen

Continue Reading Add comment | November 13th, 2008

我要做model??

呢排布冧迷上了人像攝影，最大受益人當然係我啦! 今日就同布冧玩室內人像攝影，係最開始時要試下邊個位好D，同埋反光板、"耶穌"燈(即係係身後放個閃光燈)放係邊最好，試完之後就開始影喇!唉! 不過我真係做唔到model，擺極post都擺得唔好，布冧就……等我 ready先影，最後都影左好多張不過得嘅就得個幾張 不過都好好玩，下次再玩過布冧話佢最鍾意呢張好難先扮到COOL一直都好想影到對眼有個光圈，今次影到喇，不過POST欠奉小小的飄零燕，很想買那個只著住底裙的飄零燕

Continue Reading Add comment | November 12th, 2008

難題

尋日收到個上級打來問的問題，以下是內容大意﹕

上級﹕「我想知道那個宣傳用的PowerPoint需多少時間播放?」

我﹕「mm…幾長時間?」

上級﹕「即係咩都唔講一直播要幾多時間…」

我﹕「mm…」

上級﹕「因為下個月有個宣傳活動，對方話整個活動俾個半鐘我地，所以我想話俾老細知叫佢準備多少分鐘….」

我﹕「唔係話老細會一路播PowerPoint一路介紹咩?」

上級﹕「 係呀…所以我想知會播幾耐。」

我﹕「要幾耐? 好睇老細會講幾多野… 等我check check先… 個PowerPoint有88頁，妳可以同老細講有88頁就ok了」

上級﹕「嘩… 咁多頁… 咁即係要幾耐?」

我﹕「mm… 因為個PowerPoint內有好多都係照片，可以一秒鐘播一頁都得

上級﹕「咁即係88秒…」

我﹕「…不過如果想大家睇得舒服d，一頁PowerPoint出5秒左右啦…妳預5-10分鐘啦…」

上級﹕「5-10分鐘… 我驚唔夠時間…」

我﹕「咁好睇老細講得快定慢，最多咪飛幾頁啦….」

上級﹕「好啦好啦…byebye」

我﹕「bye」

究竟88頁PowerPoint要播幾多分鐘呢?? 對一個不知PowerPoint為何物的人來說實在難以明白… 但對一個知道如何使用PowerPoint的我來說，這個問題實在太難。

Continue Reading Add comment | November 11th, 2008