前兩日見到D老友，講開自己的baba同mami，大家都發現上左年紀的人性格會有好大的改變，好似老友C話佢baba而家個人好cutey好好笑而佢mami就好煩好似看咩都唔順眼咁。而老友P就話佢mami的行為有時好失禮人，老友S就話佢baba同mami的脾氣好似調轉左。而我呢，身邊的朋友都話我mami愈嚟愈好，係呀!佢真係愈嚟愈好仲會同我地一齊廢"up"，以前好難同佢相處而家就唔同喇。細個個時baba成日都同我地三姊弟玩，係屋企玩打交、"訂"COOL荀呀......mami都會叫我地停永遠唔會加入戰團，都好無引。而家唔同喇，屋企一齊人就好熱鬧，你一句我一句，唔會悶場，而且而家大過有時係佢地面前講粗口都得，好feel架，有時一齊串baba或者成家一齊廢"up"講笑話，真係好好笑架。間唔中加埋家姐男友同細佬女友，我同布冧，八個人都一樣咁好笑，連布冧同細佬女友有時都會係到串我屋企人，大家無咩隔膜，呢d真係一家人。最起碼我唔洗好似以前咁同屋企人講野都要就住就住，好feel架，所以一有時間一定想返屋企，如果知道成家係齊度更加個碌都碌唔設呀!今日下午baba同mami係市中心我就碌去找佢地吹左兩句水，都係d無聊笑話，不過見到佢地吹下水好似朋友咁，我恨左咁多年終於可以做到喇!! 有朋友覺得我孝順，其實我就覺得我父母識做o車!好開心我baba、mami愈變愈好呀!!

今日又煮飯喇 老實講放工仲要做埋主婦個份真係好辛苦不過如果出街食又唔知食咩好，所以決定都係自己煮。一早就決定左整蕃茄蛋，都好易o車，材料係蕃茄、茄汁、糖、蛋。其實我都係是但煮，不過又比我煮到喎今日呢餐好簡單，係街市買左蕃茄同菜用左$14，好抵呀呢餐加埋都唔洗廿蚊!! 我煮完之後布冧問我係咪整錯左，佢問我點解咁多汁?吓原來佢無食過蕃茄蛋，呢D平凡的菜色佢又點會食過呀! 不過D味淡左D下次可以加多D糖。

26 Oct 係同學仔Sammy的大婚之喜，我地一大班同學都一齊出席。Sammy 的老公給我的感覺很體貼又浪漫。由於新郎係個音樂人，婚禮現場就有一個 live band 好犀利呀 新郎仲作左首歌自彈自唱送比Sammy，我真係感動到想喊，不過Sammy就仍然保持佢一向的性格......係呢度祝他倆永結同心!

我好鍾意看樓盆，唔係因為我想買樓，而係好鍾意看地產作的形容詞，唔知大家有無呢個喜好呢?所以周不時會接個D樓盆傳單。呢排市道唔好，D傳單作得都幾好笑，今日去左碼頭就接左張傳單來看，又有D新形容詞。邁亞美海灣 695" 含淚落價                     812" 跌至谷底                     631" 海嘯狂減兆禧苑 567" 業主心淡             495" 面對現實以上都係呢排新出的形容詞，平日常見的有犘登家庭、新婚必選 、有匙引看、即買即住......係碼頭住有時D單位向海的又有泳池景的就叫: 池海雙輝  ( 去飲個餸叫美點雙輝)D地產經紀係咪好勁呀?                     

今日同班同事一齊去食飯，之前都有同布冧講過唔返嚟食，點知佢好似唔記得左咁，照去買餸，仲打電話嚟話我知今晚食乜餸，但係我好無情咁同佢講唔返嚟食飯，不過佢好enjoy咁自己煮，仲整埋飯盒比我tim，Thanks豉油雞，都幾好味架

今晚係碼頭食飯，食大閘蟹宴，跟住食左好多生果，由於baba有糖尿病，近排又無戎口mami係都要叫我迫baba篤手指check血糖，係我發癲大叫之後佢終於都肯篤喇! baba篤完之後係都話自己食完野好正常，於是成家一齊篤，等baba相信自己係唔正常的。最後baba最高，布冧第二 ( 佢上次check 空肚血糖都係擇界, 再係咁都唔知點好)result:baba 14mmol/Lmami 6.7mmol/L家姐 5.3 mmol/L細佬 5.3mmol/L我 7.8mmol/L蝶7.3mmol/L布冧 10.4mmol/L