今日出左旺角，因為布冧去同人交易秒殺鏡頭，不過係我細問下個鏡頭好似無咩作為喎無得zoom又唔夠wide，不過佢死都話好有用…可以令個相機輕D又比一般數碼相機影的相靓D。係咩? 無端端買個同傻瓜相機差不多的鏡頭仲要成千幾蚊?我真係唔識欣賞，不過算啦!我永遠都係其中一個受惠者又唔洗我比$$是但啦!我同布妹妹講完對呢個鏡頭的感受之後，我迎住佢有D後悔之後去左便所度食飯，雖然開左一段時間不過我第一次去，D野都幾好味。順便用個新鏡頭影相。跟著去埋影燈飾、行完又去M記飲coffee當然唔少得我最受的林明頓啦!
Continue Reading Add comment | December 30th, 2008
今日去左家姐屋企開Family party，一早布冧煮埋隻豉油雞，就出發去碼頭。順便帶堆扎花去影畢業相，布冧話扎花好貴，所以我決定要勁影多D相。係屋企樓下影完相，就去家姐屋企喇! 食得喇!嘩!主菜呀!有M10同M8的澳洲和日本和牛!!!好味~聖誕天使蛋糕未熟的駝鳥肉、澳洲同日本和牛、仲有布冧的豉油雞好開心的一日!
Continue Reading Add comment | December 26th, 2008
今個聖誕節約左幾個好朋友BBQ，地點係鍾文的屋企，無咩特別，不過好開心，好耐無禁齊人，傾下計喇!傾下傾下，成十二點幾先走。小樂呈又大過左喇!好鍾意佢呀!佢好得意，今日好肯跟我。今年佢第一次過聖誕，我送左兩份禮物比佢。
Continue Reading Add comment | December 26th, 2008
今年聖誕已經 fully booking ，今晚平安夜只有我同布冧兩個靜靜地過今日sleeping day，瞓醒約左布冧係市中心等，一齊去買聖誕羊扒食。見到佢好開心呀，因為佢攞住扎花送比我呀! 仲要係結婚花球個種花(繍球)唔洗做又有得食，都係因為嫁到個會煮飯的老公又出街喇! Bye Bye 聖誕快樂
Continue Reading Add comment | December 24th, 2008
18 Dec 08 北京自由行第四天嚟到最後一日行程，今日九點先至起身太好瞓喇。算啦!本來放假就係嚟休息架啦!第一站去左雍和宮，係雍正未成為皇帝前的住所，之後係乾隆在位時將呢度改建成寺廟。入面的佈局有D似故宮，而且有一坐好高好大的佛像，係1990年成為左健歷事紀錄大傳，因為呢個佛像由一棵好高的大樹造成(記憶中好似有成二十幾米高)。由於我地唔係拜神人士，所以太約一個鐘多D就行完喇雍和宮的門票係由CD做的離開雍和宮就去左鐘樓同鼓樓，要上去都要爬一條長長的樓梯，鐘樓同鼓樓都幾高下。以前的鐘樓係要來報時的，看古裝戲成日話幾多更就係咁來，一更有兩個鐘由。而鼓樓係節慶時用來打鑼鼓的，係上面可以看到周圍的北京市，仲好清楚見到中軸線。係鼓樓上面每隔半個鐘就有人表演打鼓，每逄半點鐘及正點鐘開始表演，不過只係數分鐘的表演。 離開左鼓樓係周圍行下，係呢度的胡同比較大同乾淨，如果想坐人力車遊胡同，呢度係一個不錯的選擇，不過記住問清楚幾$$同埋大約看D咩!之後返返前門食野同返去酒店攞行李，就坐機鐵去機場，由前門去機場大約四十五分鐘，不過如果要等機鐵可能要多二十分鐘左右，因為機鐵班次比較疏，我地好好彩都只係等左五分鐘左右。再見喇! 北京! 我會再嚟架!
Continue Reading Add comment | December 23rd, 2008
Powered by FireStats
Powered by FireStats